વાદળને કહી દો

હમણાં અમુક વિસ્તારોમાં ખૂબ વરસાદ પડ્યો અને અમુક વિસ્તાર આકાશ જોતા જ રહ્યાં. ત્યારે વાદળને મીઠી ફરીયાદ કરવાની ઇચ્છા થઇ. એ જ વિષય પર મારી એક કવિતા. 

વાદળને કહી દો એક મિટર મુકી દે,

જ્યાં ત્યાં વરસીને ના પ્રોબ્લેમમાં મુકી દે

હેત ભરીને વરસે ત્યાં પૂર લાવી દે ,

રિસાય જ્યાંથી ત્યાં આંખોમાં નીર લાવી દે,

કહી દો એ વાદળને, આ ઓરમાયું વર્તન બંધ કરી દે.

વાદળને કહી દો..

જ્યાં વરસે છે તું, ત્યાં જો જે શું કિંમત છે તારી,

શું તારા હેતનો એ છે ખરા હકદારી,

એક વાર તારા પ્રેમનો પણ હિસાબ માંગી લે

વાદળને કહી દો..

કોંક્રીટના જંગલોમાં ક્યાં છે જગ્યા તારી,

એક વાર શું વરસ્યો બધે ગટરો જ ઉભરાતી,

ઇમારતોમાં અથડાવાનું હવે તો ઓછું કરી દે...

વાદળને કહી દો...